Mollë të arta !

Të dashur vizitorë , sot kam dëshirë që t'ju përkedhel me një recetë që mora frymëzimin nga një video që pash në instagram .
E kam shumë të vështirë se si t'ia vë emrin kësaj ricete , sepse praktikisht tek videoja që pash mollët skuqeshin keshtu që me ndihmen e disa personave (ne nje faqe te famshme ne facebook)  vendosa ti jap emrin ''Mollë të arta''.
Për të përgatitur këtë ricetë ju nevojiten :
- Dy kokra mollë
- një gotë miell
- 100ml qumësht
- 1.5gr vanilja
- një kokër vezë
- vaj misri (ose lule djelli)
- sheqer sipas deshirës
Përgatitja :
Në fillim, tek një tas të thellë përgatita brumin.
Me ndihmen e frustës rafa vezët me sheqerin (unë brumit i hodha pak a shume 10 lugë sheqer) . Më pas tek vezët shtova miellin me vaniljen ku më tutje hodha dhe qumështin . Brumi duhet të marë pamjen e një lëngu të dëndësuar. 
Më pas mora mollët dhe i preva rota rota me trashësi afërsisht 1cm .
Me ndihmen e një forme  hoqa farat e mollës .
Më tutje mora rotën e mollës se prerë dhe fillimisht e lyeva me mjell (që të ngjitet brumi kollaj)  dhe pastaj e zhyta tek brumi që përgatita më parë . Më tutje rotën e mollës e holla te skuqet në vaj të nxeht (kujdes , vaji nuk duhet të jetë në temperaturë shumë të lartë sepse rezikoni që molla tju skuqet shpejt dhe të ngelet e pa pjekur brënda) .
Mollën e hoqa nga skuqja atëherë  kur mori pamjen e ngjyrës së arrës .
Mollët më tutje i lyeva me mjalt me ndihmën e një furce  (për ëmbelsirat) dhe më tutje  nga sipër i hodha sheqër.
Shpresoj që të kem qënë e qartë ! Me respekt Florida ❤ 

Makarona te gjata (spagetti) me kerpulla

Tungjatjeta të dashur vizitorë , si ju kam ? Të gjithë mirë jeni ? Sot dua të ndaj nëpër vatrat tuaja një pjatë të shijshme dhe të "varfer" dmth pjata sot ështe e gatueshme vetëm me dy elemente . Pjata sot sjell emrin makarona të gjata ( spagetti ) me kërpulla . Që ta dini zakonisht makaronat me kerpulla shoqërohen o me pana ose me ndonjë lloj salce tjetër ! Unë për veten time sot i bëra allasojshe Florida (tamam sic ma shkrepi truri ) edhe pse të kisha elemente të tjera do i shtoja më shumë , por frigoriferi ime sot kishte vetem kërpulla ,vezë ,  sallam dhe salçiçe. Unë mishin nuk e ha kështu që vendosa të gatuaja vetëm kërpullat.  Një mëndje më tha të beja kotolet me veze edhe kërpulla një mendje më tha jo sepse kisha shum pak kërpulla për ta përgatitur . Mendova , të kënaq njërzit e shtëpise e thash "Afti bafti" po i bëj makarona ! Kontrollova në sirtarin e kuzhinës dhe pash që makaronat i kisha ! Edhe kështu u nisa për ti bërë makaronat . Vërtet pjata e sotëshme është e varfer por e di sa e shijshme që doli dhe unë prandaj vendosa ta ndaj me ju ! Kështu që  kur tju bjerë rasti edhe juve të keni pak elemente në shtepi , ta gatoni e ta shijoni tamam si unë .
Për të përgatitur këtë ricetë ju nevojiten :
1).400gr makarona spagetti
2).300 gr kërpulla champignion  (se kaq kisha jo për gje)
3). Gjalpë fshati një lugë gjëlle
4). Speckë djegëse, hudhra  dhe kripë sipas dëshirës.
Përgatitja :
Mora tenxheren me ujë dhe e vura në zjarrë të forte ,nderkohë që prisja të valonte uji në një tigan të thelle vendosa të përgatisja gjëllën me kërpullat.
Mora kërpullat i lava në ujë të bollshëm dhe me një picetë të pastër fillova ti thaja ( dmth t'ia heqja ujin ).  Pastaj i preva thela thela të holla dhe i hodha në tigan . Tiganin e vura në zjarrë me flakë të vogël (sepse keshtu shmang faktin që kërpudhat të mos ngjiten tek tenxherja dhe me ngrohtesin e zjarrit fillojnë e zbuten dhe leshojnë pak ujë ) .
Kur kërpullat zënë e nxjerrin ujë në atë moment i hodha gjalpin me hudhrën e grirë në rende dhe speckë djegëse .
Ndërkohë që uji ka zënë të zjerrë në të hedh kripën dhe makaronat . Kur uji i makaronave bëhet cik i plotë marë një garuzhde lëng dhe ia hedh kërpullave . Kërpullat i lëj të gatuhen deri në momentin kur marin pamjen e një krem karameli .
Makaronat zakonisht gatuhen mbrënda 10/12 min.
Unë kurë vura re se makaronat ishin bërë gati , i mora dhe i kullova në kullojsen e makaronave .
Më pas i hodha tek tigani derisa makaronat dhe kërpullat u lidhen mirë  me njëra tjetrën .
Makaronat i servilosa në një pjatë me buzë jo të thella edhe me djath kaçkavall të grirë.
Shpresoj që të kem qënë e qartë, me respekt Florida ❤

Makarona të gjata (spagetti) me midhje !

Të dashur vizitorë , sot nëpër vatrat tuaja kam dëshirë t'ju sjell si gjithmon një pjatë shumë të shijshme . Pjata sot sjell emrin makarina të gjata (spaghetti)  me midhje .
Për të përgatitur këtë ricetë na nevojiten :
1.)400gr makarona të gjata
2).200gr midhje
3).Një gotë verë të bardhë
4).Një thelpi hudhre
5).Vaj ulliri , kripë dhe erësa sipas dëshirës .
Përgatitja :
Në një tenxhere holla ujë dhe e vura të zjerë në flakë të madhe . Ndërkohë që pres ujin të zjerë  fillova të përgatis gjëllën për makaronat .
Gjëllën e makaronave e përgatita në një tigan të thellë dhe fillimisht skuqa hudhrën në pak vaj ulliri , kur hudhra mori pamjen e ngjyrës së artë në tigan shtova midhjet e pastruara. 
Pas 5 minutash midhjeve i shtova  një gotë verë të bardhë dhe i lashë të gatuhen në flakë të ulet ku më pas shtova kripën edhe erëzat ( unë përdora piperin e kuq kokër edhe një speckë djegëse) . Gjëllën e makaronave e fika në momentin kur pash që vera e bardhë ishte karameluar (dmth trashur njëcik) .
Makaronat i hodha tek uji kur pash që uji kishte marë valë . Makaronat zakonisht i duhen 10/12 min për tu gatuar . Njëher që makaronat janë gati ,i kullojmë në kullosje makaronash edhe i derdhim tek tigani ku kemi gjëllën me midhje .
Makaronat mund ti servilosim edhe me djath kaçkavall  të grirë sipër .
Shpresoj të kem qënë e qartë me shpjegimet  .
Me respekt e dashuri Florida ❤

Tortë më krem (mousse) çokollate të bardhë, me qumësht e çokollatë puro !

Të dashur vizitorë të blogut time ! Sot po ju sjell një tortë që mund ta përgatisni për ditëlindjen e personit tuaj të dashur ! Për të përgatitur këtë ricetë ju njoftoj se ju duhet shumë kohë dhe me durim keni për t'ia haritur qëllimit e torta ka për t'ju dalë vërtet shumë e shijshme . Tamam si kjo e imja .
Elementët për të përgatitur këtë tortë janë :

Për kekun ju duhet :
1). Një gotë mjell
2).Një gotë sheqer
3). Tre kokra vezë

Për kremin çokollatë puro  :
1). 200gr çokollatë puro
2). 200ml panna
3). 1,5 gr pluhur agar ( është produkt që përdoret për të dendësuar kremin) .

Për kremin çokollatë më qumësht :
1). 200gr çokollatë me qumësht (dmth që nuk është 100% çokollatë puro )
2). 200ml panna
3). 1.5gr pluhur agar

Për kremin çokollatë të bardh :
1). 200gr çokollatë të bardhë
2). 200ml panna 
3). 1.5gr pluhur agar

Për glasën e çokollatës :
1). 100 gr çokollatë
2). 70 gr ujë
3). 20 gr sheqer

Përgatitja :
Fillimisht përgatita bazën e tortës ! Mora vezët dhe me ndihmen e frustës (ajo gjëja që rifen vezët ,se nuk po më vjen në mendje si i thojnë tamam 😂😂)  i trazova  fortë pastaj shtova sheqerin . Kur vëzët morën  pamjen e një shkume ateher shtova mjellin çikë e nga një çikë deri sa brumi i kekut mori pamjen homogjene . Kekun e poqa në furrë per 20 min në 180°C .
Pasi keku u poq dhe e ftua , fillova të pregatis cremrat e çokollatave. 
Unë fillova nga cremi i çokollatës puro ! Duke u nisur nga ky hap , të dashur vizitorë duhet të bëni shumë kujdes me kohën sepse duhet të respektoni të gjitha hapat njëra pas tjetrës .
1). Kremi çokollatë puro .
Në fillim mora 200ml panna dhe me ndihmen e frustës elektrike fillova ta raff derisa panna mori pamjen e një shkume (tamam si shkuma e taboshit) .
E mora pannën dhe e futa në frigorifer (për të shmangur faktin që panna të shkrihet )
Nderkohë shkriva çokollatën .
KUJDES !!! Çokollatën mundet ta shkrini o me ndihmen e mikroondes ose me kushtet shtëpiake ! Unë në rastin time përdora dy enë me madhësi të ndryshme: kujdes akoma ! njëra nga (tenxheret) duhet të jetë më e madhe, aq sa mund të zërë enën (tenxhere edhe në këtë rast)  tjetrën brenda .
Enën e parë e mbusha  me ujë (jo plotësisht) dhe dhe e vura në zjarr jo shumë të madh (unë ju këshilloj më të ulëtin) .Brënda saj vendosa  enën e dytë, e cila ka madhësi më të vogël, ku dhe brënda hodha dhe masën e çokollatës. Në këtë mënyrë çokollata shkrin nga ngrohtësia e ujit dhe jo e zjarrit. Sapo pashë që çokollata u shkri komplet e  hoqa nga zjarri . Ndërkohë mar panën që kisha lënë në frigorifer dhe brënda saj hedh çiokollatën e vakët  (prita pak që të ftoheshe temperatura se ndryshe fillon e shkrin panën).  Fillova dhe e trazova  çokollatën nga lart e poshtë në menyrë që çokollata të lidhet mirë me panën .
Pastaj në njëcik (dy lugë gjelle) qumësht të ngrohtë hodha pluhurin e agar ,prita që pluhuri të shkrihet dhe e hodha tek kremi që përgatita me çokollatë e panna. Më pas me frustën elektrike trazova elementët deri sa kremi mori pamjen homogjene. Pastaj mora tepsinë ku përgatita kekun  (tepsia ime është nga ato tepsi që baza ndahet nga buzët ,jua këshilloj edhe juve të keni një tepsi të tillë) dhe ne të hodha kremin brenda ! Kremin e hapa në menyrë homogjene . Dhe e futa në frigorifer , pas 45 minuta që torta ishte në frigorifer fillova të përgatis kremin e cokollatës me qumësht . Veprimet që bëra me kremin e çokollatës me qumësht ishin njësoj si hapat që ndoqa me kremin e parë . Pasi e përgatitet kremin e dyte hidheni sipër kremit të pare futeni prap në frigorifer dhe përgatitni kremin e tretë .
Pasi keni mbaruar përgatitjen e tortës pas pak oresh që torta ka qënduar në frigorifer unë i hodha glasën e çokollatës .
Përgatitja e glasës është shumë e thjeshtë . Në një tenxhere të vogel shkriva sheqerin me ujin në zjarr të ulët,kur shërbeti filloi të zjerë hodha çokollatën dhe prita deri sa të shkrihej.
Ndërkohë që prisja të shkrihej çokollata nxora tortën përjashta, e siç ju thash edhe më parë (tepsia ime ndahet)  hoqa buzët e tepsis. Dhe më tutje vesha tortën me glasën e çokollatës.
Shpresoj të kem qënë e qartë me shpjegimet. 
Më respekt Florida ❤

Mbani mënd ! Mos u trëmbni nëse keku ju del i ulët sepse duhet të jetë i tillë . Nëse keku ju del i lartë priheni në mes . Ps. Në vënd të kekut mund të përdorni edhe thrimet e biskotave të presuara me gjalpë  

Çokollata bon bon

Të dashur vizitorë të blogut time! Sot dëshiroj  t'ju ëmbëlsoj shpirtin me disa çokollata bon bon që gatova për njeriun e zëmres time për shënvaletinin . Për të përgatitur çiokoçllatat bon bon ju nevojitet shumë kohë . Sepse edhe proçesi i përgatitjes është me hapa të ngadalta . Çiokollatat bon bon i përgatita me dy lloj mbushje . Më posht do t'ju  shkruaj të dyja shëmbujt, për të përgatitur këtë recetë kaq të shijshme na nevojiten !
Përbërësit :
Shëmbulli nr 1
1). Kek për torta me kakao
2). Çiokollata 250 gr
3). Ciokokrem 6/7 lugë gjëlle .
Shëmbulli nr 2
1). Kek për torta
2). Çiokollata 250 gr
3). Karamele marshmallow 120 gr .

Përgatitja :
Shëmbulli 1
Hapin e parë e nisa nga përgatitja e Kekut, unë kek në këtë rast  nën kuptoj , bazën që bëhen taboshët.  Kekun nuk e bleva e përgatita në shtëpi me 1 gote mjell , 1 gotë sheqer , 1 lugë kakao dhe 3 kokra vezë . Më pas Kekun e poqa në furrë në 180°C për 20 min .
Pasi u poq Keku dhe nderkohë që prisja të ftoheshe përgatita Kekun e dytë  për shëmbullin e dyte . Kekun e dytë e bëra të bardhë ,  nuk i hodha kakao ! Edhe këtë kekun e poqa në 180°C për 20 min .
Kthehemi tek shembulli i parë .
Kur e shofim që Keku ështe ftohur marim robotin e guzhinës edhe fillojmë ta grijmë thrime thrime.  Më pas tek Keku I thermosur hedhim çiokokremin , produktet i trazojmë me njëra tjetrën  deri sa të marin pamjen e një brumi .
Brumin e marim çik e nga një çik , i japim formën e topave të vegjël si puna e bon boneve . Bon bonet i mbeshtesim në nje tabaka ku në sipërfaqe kemi hapur një  letër furi .
Pastaj marim ciokollatën dhe e shkrijmë në mikroonde ose në banjomaria . Marim bon bonet një e nga një dhe i zhytim tek cokollata e shkrire me ndihmën e pirunit , pastaj pasi e kemi lagur mire e mbeshtesim çiokollatën tek tabakaja . Karamelet janë të gatëçme për tu ngrënë në momentin që çiokoçllata është ngurtësuar .

Shëmbulli 2 .
Ndryshimi nga shembulli i par shfaqet tek mbushja ,këtu  Kekun e kemi pa kakao edhe për të lidhur therimet unë  përdora karamelet  e marshmallow (të cilat i shkriva në mikroonde ) . Më tutje procesi është njesoj me shëmbullin e parë .
Shpresoj që të kem qënë e qartë më shpjegimet . Me respekt Florida  ❤