Të dashur vizitorë nëse ju ka vajtur mëndja për specka edhe patate të skuqura , por keni frik se linjat e trupit tuaj ndryshojnë forma ?? Kam ricetën e duhur për ju 😍 ! "SPECKA TË MBUSHURA ME PATATE EDHE BIZELE " .
Për të përgatitur këtë pjatë me kaq pak kalori ju nevojiten :
Përbersit : (për 4 persona)
- 2 Specka të shëndosha (të kuqe , jeshile ose të verdha)
- 1 patate
- 100 gr bizele
- një lugë gjëlle vaj ulliri
-kripë , piper të kuq (jo djegës) dhe kopër
-djath mocarella ose emental (sipas dëshirës ) unë tek speckat e mija nuk i vura (se mos thendothem ) por tek ato të familjarëve po 😂😂😂
Përgatitja :
Si fillim mora pataten dhe e zjeva deri sa të futet piruni në brëndesi të saj jo me vështirësi (kujdes mos i zjeni shumë patatet) . Pastaj e preva në kube të vogla dhe e hodha në një tas , tek tasi hodha bizelet bashkë me kripën , erëzat dhe vajin e ullirit. Elementët i trazova mirë e mirë . Pastaj mora speckat i ndava në mes edhe i pastrova duke i eliminuar të gjitha farat . Më tutje me ndihmën e një luge fillova ti mbushja me patatet edhe bizelet. Pasi mbarova këtë proçedurë speckat i mbulova me djathin që ju përshkrova më sipër.
Speckat i poqa në furrë për 45 min në 180°C .
Shpresoj të kem qënë e qartë dhe që kjo pjatë tju shijoj po ashtu si unë .
Me respekt Florida ❤